Günümüzdə axtarış sistemlərinin ən populyar suallarından biri: İnternetdən pul qazanmaq sualıdır. Birazdan bu məşhur cümlənin nə qədər mənasız olduğunu sizə ispatlayacağam lakin daha əvvəlində əlavə bir məlumatı paylaşmaq istəyirəm. "İnternetdən pul qazanmaq" cümləsini yazaraq mövzu haqqında araşdırma edən şəxslərin 99% -i asan yoldan qazanmağı arzuladıqları üçün bu tip sorğulara müraciət etməkdədir. Bəlkə siz də bu səhifəyə tam olaraq eyni sorğu ilə gəlmiş ola bilərsiniz. Məqsədim mühakimə deyil. Tam əksinə, səhv bilinən üsulların doğrusunu ifadə edə bilməkdir.
İnternet, Dünya ümumisindəki kompüter şəbəkələrini və təşkilati kompüter sistemlərini bir-birinə bağlayan elektron ünsiyyət şəbəkəsidir. [Mənbə: vikipedia]
Bəli! İnternet, rabitə şəbəkəsidir. Həyatın bir hissəsidir və günümüzün şərtlərində internetsiz bir dünya düşünülə bilməz. Buna görə "internetdən pul qazanmaq" ifadəsini qaldırıb "İş görmək üçün internetdən istifadə" şəklində yeniləmək istəyirəm. Necə?
Yer üzündə minlərlə qazanc üsulları vardır. İnşaat, turizm, xidmət, qida və.s uzunca bir siyahı yaza bilərik. Edilən işə qarşılıq birilərindən ödəniş tələb etmək üçün qarşı tərəfə bir dəyər təqdim etmiş olmamız lazımdır. Bu bəzən mahnı söyləmək belə ola bilər. Bəzilərinə mahnı söyləyərək xidmət vermiş olarsınız və qarşılığında pul tələb edə bilərsiniz. Gördüyünüz kimi ortada bir mübadilə vəziyyəti yəni satış söz mövzusudur. Elə isə: iş görməyi> iş satmaq, xidmət təqdim etməyi> xidmət satmaq, reklam sahəsi kiraləməyi> reklam satmaq olaraq qiymətləndirin və yaddaşınıza not edərək məqaləyə davam edin lütfən.
Gördüyünüz iş ilə internetin imkanlarından istifadə edərək pul qazana bilərsiniz: Mahnılarınızı internet üzərində paylaşaraq, internet istifadəçilərinə təqdim edərək gəlir əldə edə bilərsiniz. Bəzən klik başına gəlir təmin edən bir video kanalı ilə bəzən də mahnılarınızı online satış edə biləcəyiniz bir e-ticarət platforması ilə ...
Eyni şəkildə realda olan mağazalarınıza internet şəbəkəsi üzərindən potensial müştərilər çəkə bilərsiniz. İş yerinizi və ya işinizi tanıdan web saytları quraraq, ictimai media vasitələrini aktiv istifadə və s üsullarla müştərilərinizi, qazanclarınızı artıra bilərsiniz. İnternetdə reklam da edə bilərsiniz.İnternet üzərində reklam alış-verişi etdiyiniz bir iş modelinə sahib olmanız belə internetdən pul qazandığınızı ifadə etməz; reklamçılıqdan pul qazandığınızı, vasitə olaraq interneti istifadə etdiyinizi ifadə edər. Eyni şəkildə blog yazaraq pul qazanıram demək də internetdən deyil yazıçılıqdan pul qazandığınız mənasını verər. Vasitə olaraq internetdən istifadə isə doğrudur.
İnternet üzərindən pul qazanmaq istəyirsinizsə əvvəlcə fərdi bacarıqlarınızı incələyin, özünüzü tanıyın, yolunuzu bilin və ona görə bir yol xəritəsi təyin edin. Müəmmalı cümlə (internetdən pul qazanmaq) istifadə edərək standart tövsiyələrin arxasında beyninizi yormayın. Mən internet şəbəkəsində məqalə yazaraq pul qazanıram lakin siz məqalə yazma mövzusunda iddialı birisinizmi? Bəziləri öz youtube kanalında öz mahnılarını paylaşır gəlir əldə edir lakin mən bərbad bir səsə sahib olduğum üçün buna heç çalışmıram. Söyləmək istədiyim: internetdən istifadə edərək gəlir təmin edən insanlar əslində öz qabiliyyət, məhsul və ya əməklərini sataraq gəlir əldə edirlər. Siz nə satmaq istəyirsiniz? Bu suala cavab tapdıqdan sonra internetin hansı vasitələrindən istifadə edim sualıyla yolunuza davam edə bilərsiniz.
Davud Azizov: Bacarıqlı adam iş dünyasında rəqabət istəyər.
