Görməni yaxşılaşdırmaq üçün istifadə olunan optik linzalar korluğa səbəb olur.
Avstraliya Elmi Mərkəzinin yaydığı açıqlamada linzalarla bağlı təhlükənin olduğu bildirilib. Mütəxəssislərin fikrincə, optik linzalardan istifadə gözdə fəsadlara səbəb olur və zamanla korluq yaradır.
Optik linza, birbaşa gözün buynuz qişasına təmas etdiyi üçün gözə oksigenin keşməsinin qarşısını alır. Bu şəkildə göz oksigensiz
vəziyyətdə olur. Bu da insanda daimi olaraq göz qırpma hərəkətləri etməsinə səbəb olur. Həmçinin optik linzalar gözün üzərində sürüşdüyü üçün gözə
mikro-travmalar da yetirir. Bu da buynuz qişada, gözün ön təbəqəsində bulanılıq yaradır. Optik linza gözün ön hissəsini qurudur. Göz yaşı pərdəsi var və linza onun tamlığını pozur, göz quruluğuna səbəb olur. Göz quruluğu olduğu zaman da gözdə qızartı, tez-tez göz qırpma, bu səbəbdən yaranmış göz suyunun axması kimi hallar yaranır. Quru göz sindromu deyilir buna. Son zamanlar bu problemlə bağlı həkimə müraciət edənlərin sayında hədsiz artım var. Xüsusilə gənc xanımlar optik linzalardan istifadəyə üstünlük verir:
Oftamoloqların məsləhət görməməsinə baxmayaraq optik linzadan istifadə edənlərin sayı həddən artıq çoxdur. Xüsusilə buna qadınlar daha çox üstünlük verir. Optik linzalardan istifadəyə heç bir qadağa yoxdur.Həkim bildirib ki, parazit kontakt linzaların saxlandığı xüsusi məhlulda da çox olur. Bu da görmə qabiliyyətini daha da azaldır. Əgər vaxtında infeksiyaya qarşı terapiya
aparılmasa, görmə getdikcə itir.
