23 Nobel Prospekti AZ1000 Azerbaijan,Baku +994559800290

Blog Detail

Uşaq xəstəlikləri

Uşaq xəstəlikləri

Uşaq xəstəlikləri və türkəçarə ilə onların sağaldılması yolları. 

Ulu Babalarımızın sınanclarına görə, uşaq yeriməyə başlayanda fikir vermek lazımdır ki, o birinci dəfə astanadan keçəndə ayağıyalın olmasın,əks halda o böyüyəndə yoxsul zavallı olur.
Uşaqlarda boyun gec bərkiyəndə toyuq başı və toyuq ayaqlarının qaynartısını uşağa içizdirmək lazımdır.
Gec dil açan uşaqlara bildirçin və ya qumru yumurtası yedizdirmək lazımdır.
Uşaqlar diş çıxararkən damağa kərə yağı sürtmək ağrını azaldır.
Uşaqların bədənini qumru piyi ilə yağlamaq, tez ayaq açmasına kömək edir.
Uşağın çöpü qalarsa, əmgəyinə dayanmadan su tökmək lazımdır. Özü fınxırıb çöpü çıxardacaq.Bu baxımdan kərə yağı da faydalıdır. Uşaq yatan zaman burun deşiklərini və qulağı kərə yağı ilə yağlayıb, bir az da yağ qoymaq çöpü yumşaldıb çıxardacaqdır.
Kiçik yaşlı uşağın qarnı vaxtlı-vaxtında işləsin deyə əmizdirməmişdən qabaq kəmşirin çay verib qarnı üstə qoyun. Sonra idman hərəkətləri etdirin və uşağı arxası üstə qoyub dizlərini cəld hərəkətlərləqarnına doğru qatlayın. Bundan sonra qarnını saat əqrəbi istiqamətində masaj edin. çalışın ki, uşaq bu vaxt çölə getsin.
Körpələrin sinir sisteminin yaxşı olması üçün mavi və ya yaşıl paltarlar geyindirməlidirlər. Yaşadığı otağın rəng qamması sarımtıl-yaşıl və ya solğun narıncı rənglərdən ibarət olmalıdır.

Körpə uşağın əsas qidası ana südüdür. Ana südü min bir dərdin dərmanıdır. Ana südündən öncə insanda, eləcədə heyvanda ağız südü əmələ gəlir. Ağız südü doğuşdan sonrakı ilk günlrdə məməli heyvanın və insan süd vəzilərində olan şorməzə, sarımtıl, qatı mayedir. Heyvanlarda bəzən bulama adlanır. Doğulduqdan 3-5 gün sonra adi süd halına düşür. Körpəni xəstəlik törədən bakteriyalardan xilas edir. Bəzi analar vardır ki, ana südünün azlığından, südün qatılığından əziyyət çəkirlər. Səməni halvası ( suhan və ya isfahan halvası ) ana südünü artıran ən gözəl qidadır. Paxla, noxud, maş lobya, pərpərən, inək və ya keçi südü, razyana, kərəvəz, cirə, sulu meyvələr, bostan bitkiləri, tut, üzüm, armud, gül şərbəti, zeytun, qoz, badam, yeralması, kahi, pambıq çiyidi, yonca toxumu, yerkökü ana südünü artıran qidalardır.Süd qatı olarsa, təzə limon şirəsi işlətmək faydalıdır. Süd yolları tutularsa və döş şişərsə mərcimək unu və kələm yarpağı ilə təpitmə qoymaq məsləhətdir. Cəfəridən təpitmə, reyhandan təpitmədə (reyhanı 2 gün gülab icərisində saxlayır, sonra həmin su ilə kompres və ya təpitmə kimi düzəldib döş üzərinə qoyur ) bu baxımdan faydalıdır.

<iframe width="560" height="315" src="https://www.youtube.com/embed/mte3Al3tA5M" frameborder="0" allowfullscreen></iframe>



Qeyd: Növbəti məqaləmizdə müxtəlif uşaq xəstəliklərinin türkəçarə ilə sağalmasının yollarını sizinlə bölüşəcəyik.
Hörmətlə: A.Davud